Зеленски: Поддршка од САД во замена за Донбас

„Американците се подготвени да ги финализираат овие (безбедносни) гаранции на високо ниво штом Украина биде подготвена да се повлече од Донбас. Според мене, руската страна ја обликува атмосферата во својот дијалог со Американците токму околу оваа идеја: дека Украина треба да се повлече од Донбас, САД потоа ќе ги обезбедат безбедносните гаранции што Украина ги бара, а Русите сигурно ќе ја завршат оваа војна. Повеќе или помалку, се наоѓаме во овој триаголник“, изјави украинскиот претседател Володимир Зеленски во интервју за повеќе светски медиуми во Киев.