JAVA NË GJERMANI:
Në debatin për një mision ndërkombëtar në ngushticën e Hormuzit, Berlini sinjalizoi gatishmëri për të kontribuar – me aftësi të specializuara si pastrimi i minave dhe zbulimi detar – por vetëm nën kushte: mandat ndërkombëtar, miratim parlamentar dhe, nëse është e mundur, përfshirje të SHBA-së. Gjermania nuk udhëheq këtë nismë, por pozicionohet si një partner me peshë.
Në të njëjtën kohë, në Berlin u zhvilluan konsultimet e para gjermano-ukrainase pas më shumë se 20 vitesh, ku u vendos guri i themelit për një partneritet strategjik mes dy vendeve. Përmes bashkëpunimit në prodhim ushtarak dhe teknologji, Gjermania e trajton gjithnjë e më shumë Ukrainën si partnere – jo vetëm si përfituese ndihme.
Dy zhvillime, një drejtim: më shumë përgjegjësi për Berlinin në Evropë, por ende nën kushte dhe në koordinim me aleatët. Për më shumë, shih videon!