Zjarret në Greqi shtojnë pakënaqësinë ndaj qeverisë

Qeveria greke vë në dispozicion një ndihmë të menjëhershme prej më shumë se 200 milionë eurosh për të dëmtuarit nga zjarret. Këtë e njoftoi zëvendësministri i financave Petros Doukas. Paratë duhet të shkojnë për familjet, sipërmarjet dhe komunat e prekura. Si pasojë e katastrofës qeveria vihet nën presion edhe më të madh. Në Athinë rreth 2 000 demonstrues të majtë marshuan drejt parlamentit dhe kërkuan dorëheqjen e qeverisë. Nga djegja më e rëndë e pyjeve që prej disa dhjeteravjeçarësh që nga e premtja kanë humbur jetën në mbarë vendin 63 vetë. Së paku 3 000 vetë kanë mbetur pa strehë. Katër zjarre të mëdha dhe dhjetëra të vogla nuk janë shuar ende në gadishullin e Peloponezit. Italia dhe Franca kanë dërguar së bashku gjashtë avionë për shuarjen e zjarrit. Tre helikopterë gjermanë duhet të mbërrijnë këtë të martë në Peloponez.