1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Koriya ta Arewa ta harba sabon makami

Muntaqa Ahiwa
October 22, 2025

An ba da labaran cewa Koriya ta Arewa ta sake gwajin wani sabon makamai mai linzami da ke cin dogon zango, inda ya fada cikin teku. Wannan dai wani mataki da Koriya ta Kudu ke nunawa a matsayin takalar fada.

https://p.dw.com/p/52O7S
Südkorea Seoul 2025 | Nordkoreanischer Raketentest sorgt für Aufmerksamkeit
Hoto: Jung Yeon-je/AFP

Rundunar sojin Koriya ta Kudu ta tabbatar da cewa makwabciyarta Koriya ta Arewa ta harba wani makami mai linzami mai cin dogon zango zuwa teku, ba tare da ta bayyana wani dalili ba.

Wannan lamari ya faru ne kwanaki kalilan kafin Koriya ta Kudu ta karbi bakuncin taron koli na ƙungiyar tattalin arzikin kasashen Asiya da Pasifik, wanda ake shirin gudanarwa a mako mai zuwa a birnin Gyeongju.

Rahotanni sun tabbatar da cewa shugabannin kasashe da dama za su halarci taron, ciki har da Shugaba Donald Trump na Amurka da Xi Jinping na China.

Masana sun ce Koriya ta Arewa na iya yin wannan gwajin roka a matsayin wani nuni na karfin iko, ko kuma don jaddada matsayinta a idon duniya a matsayinta na ƙasa mai mallakar makaman nukiliya.