1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Koriya ta Arewa ta sake gwajin sabbin makamai masu linzami

Muntaqa Ahiwa
April 14, 2026

Koriya ta Arewa ta gwada makamai masu linzami daga sabon jirgin ruwan yaki a Tekun Yellow Sea. Shugaba Kim Jong Un ya halarci gwajin, inda aka ce an kai hari cikin nasara.

https://p.dw.com/p/5C7a7
Koriya ta Arewa: Lokacin gwajin makamai daga sabon jirgin ruwan yaki
Koriya ta Arewa: Lokacin gwajin makamai daga sabon jirgin ruwan yakiHoto: Yonhap/picture alliance

Koriya ta Arewa ta sake gudanar da gwajin wasu sabbin makamai masu linzami, ciki har da masu kai hari daga teku, a matsayin gwajin sabon jirgin ruwanta na yaki mai suna Choe Hyon.

Rahotanni sun ce Shugaba Kim Jong Un ya halarci gwajin tare da manyan jami'an tsaro da suka hada da na rundunar sojin ruwa.

An harba makamai masu linzami da masu kai hari kan jiragen ruwa, inda rahotanni ke cewa sun kai hari kan wuraren da aka nufa cikin nasara.

Gwajin dai ya gudana ne a Tekun Yellow Sea da ke tsakanin China da yankin Koriya.