1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Ambaliyar ruwa ta yi sanadin rayuka a Kenya

Fauziyya Dauda
March 7, 2026

Rahotanni daga birnin Nairobi na kasar Kenya sun tabbatar da mutuwar mutane 23 sakamakon mummunan ambaliyar ruwa da saukar mamakon ruwan sama ya haifar.

https://p.dw.com/p/59yqM
Ambaliya a Kenya ta haifar da lalacewar hanyoyi da kuma ababen hawa
Ambaliya a Kenya ta haifar da lalacewar hanyoyi da kuma ababen hawaHoto: Mariel Müller/DW

Jami'an 'yan sandan Kenya sun ce wadanda suka gamu ajalinsu a ambaliyar ruwan sun nutse ne yayin da wasu kuma wutar lantarki ce ta ja su. Shugaban 'yan sandan yankin, George Seda ya yi gargadin cewa adadin wadanda suka mutu ka iya karuwa yayin da ake ci gaba da neman jama'a da ake kyautata zaton ruwa ya tafi da su.

Iftila'in ambaliyar ruwan ya faro ne daga daren ranar Juma'a zuwa wannan Asabar din, inda ya toshe hanyoyin tare da lalata ababen hawa fiye da 100. Ambaliyar ta kuma kawo tsaiko ga tashi da saukar jiragen sama, inda aka rika mayar da jirage zuwa birnin Mombasa.

Karin bayani:Ambaliya ta kashe mutane 70 a Kenya 

Tuni rundunar sojin Kenyar ta tura da karin jami'an aikin ceto jama'a yayin da kungiyar Red Cross ta kasar ta ce ma'aikatanta na kokarin isa wuraren da mutane suka makale, sai dai kuma suna samun tsaiko sakamakon cunkuson hanya da kuma ambaliyar da ta sanya shiga wasu sassan ya yi wahala.