Senegal ta bukaci a ninka hukuncin aikata auren jinsi

Da yake jawabi a majalisar dokokin kasar a wannan Talata, Sonko ya ce duk wanda aka samu da aikata auren jinsi zai fuskanci daurin shekaru biyar zuwa goma, maimakon shekara daya zuwa biyar kamar yadda doka ta tanada a yanzu.

Kudirin, wanda har yanzu yana jiran kada kuri'a a majalisa, zai gyara kundin dokokin hukunta laifuka na Senegal domin fayyace cewa duk wata hulda ta jima'i tsakanin jinsi guda laifi ne.

Matakin na zuwa ne bayan kama wasu mutane ciki har da fitattun jama'a, yayin da kungiyoyin addini ke matsa lamba a kara tsaurara hukunci kan masu jima'i da jinsinsu.