1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Senegal ta karyata sake cin bashi a asirce

Abdul-raheem Hassan
March 25, 2026

Gwamnatin Senegal ta musanta rahoton jaridar Financial Times cewa ta ciyo rancen Yuro miliyan 650 daga hukumar ba da lamuni ta duniya a asirce, domin kaucewa wa'adin biyan bashin da ake binta.

https://p.dw.com/p/5B6Jh
Shugaban kasar Senegal, Bassirou Diomaye Faye
Shugaban kasar Senegal, Bassirou Diomaye FayeHoto: Mosa'ab Elshamy/AP/picture alliance

Hukumomin gwamnatin Senegal sun kare matsayarsu da cewa bai saba da ka'idojin kasuwanci ba. Gwamnatin, wacce ta karbi mulki a watan Afrilun 2024, ta zargi tsohuwar gwamnatin Macky Sall da boye bayanai a kan dimbin basussukan da ake bin kasar.

Jaridar Financial Times wacce ake bugawa a Birtaniya, ta ruwaito cewa sabuwar gwamnatin Dakar ta "karbo Yuro miliyan 650 daga masu ba da lamuni na ci gaban Africa Finance Corporation da kuma babban bankin Abu Dhabi a 2025 a matsayin karin bashin da ke kan kasar."

A farkon watan Maris, Senegal ta biyan bashin dala miliyan 471, duk da fargabar da masana tattalin arzikin kasar ke yi kan gibin kasafin kudi na kusan kashi 14 cikin 100 GDP da basussukan ma'aikatun gwamnati da aka kiyasta kashi 132 cikin 100 na abin da kasa ke fitarwa a karshen shekarar 2024.