Ukraine: Rasha ta kwace iko da kauyen Potapiva

Kawo yanzu Ukraine ba ta mayar da martani kan ikrarin Moscow ba na kwace iko da kauyen a yankin Sumy da ke kan iyakar kasashen biyu. Rasha ta yi ta kokarin ta samar da wani wuri a yankin Sumy domin ta kara nesa daga inda ake fada a tsakanin iyakar kasashen. Sai dai Ukraine ta ce tana kokarin dakatar da yunkurin na Rasha, hakan ya sanya ta kasa samun wani karfin iko a yankin.

Karin bayani: Rasha ta kwace iko da wasu kauyuka uku a gabashin Ukraine

Tun bayan kaddamar da mamaya a Ukraine a shekarar 2022, Rasha ta kwace iko na kashi daya bisa biyar na yankunan Ukraine. Sai dai a watan Fabarairun wannan shekarar, alkalumma sun yi nuni da cewa ta samu koma baya cikin shekaru biyu.