Afirka ta Kudu ta kori baki dubu uku 'yan kasashen Afirka

Afirka ta Kudu ta sanar da mayar da baki 'yan kasashen waje kimanin 2,745 zuwa kasashensu na asali a cikin mako guda, a kokarin da shugaban kasar Cyril Ramaphosa ke yi na yaki da kwararar bakin haure marasa izinin shiga kasar.

Karin bayani: Rikicin 'yan daba ya halaka mutane 12 a Afirka ta Kudu

Ministan harkokin cikin gida na kasar Leon Schreiber ne ya tabbatar da hakan ga manema labarai a wannan Lahadi.

Afirka ta Kudu na zama kasa mafi karfin tattalin arziki a nahiyar Afirka, to amma tana fama da matsalar rashin aikin yi, wanda ya kai matakin kashi 30 cikin 100.

Karin bayani: Dawo da 'yan Ghana daga Afirka ta Kudu ya dauki hankalin jaridun Jamus

A baya bayan ne Ghana da Najeriya da wasu kasashen Afirka suka fara kwashe mutanensu da ke zaune a kasar, sakamakon zafafar zanga-zangar adawa da baki 'yan kasashen Afirka.