ایران: د لنډمهاله مشرتابه شورا پیل او د احمدي نژاد وژل کیدل
۱۴۰۴ اسفند ۱۰, یکشنبه
د ایران د ولسمشر مسعود پزشکیان په وینا، هغه لنډمهاله مشرتابه شورا چې د ستر مذهبي مشر آیت الله علي خامنهای تر وژل کېدو وروسته جوړه شوې، خپله دنده پیل کړې ده.
پزشکیان د یکشنبې په ورځ په یوه ثبت شوې ویډیويي وینا کې چې د ایران د دولتي ټلوېزیون له لارې خپره شوه، وویل: «لنډمهاله مشرتابه شورا خپل کار پیل کړ... موږ به د اسلامي جمهوریت د بنسټګر امام خمیني د ټاکلې لارې پر دوام په خپل ټول ځواک سره مخته ځو.»
نور ولولۍ: د ایران مذهبي رهبر علي خامنه ای څوک وو؟
هغه زیاته کړه چې د اسلامي جمهوریت پوځ به د «دښمن اډې په قاطعانه توګه وځپي».
له بلې خوا، د آلمان خبري اژانس د راپور له مخې، د ایران دولتي خبري اژانس ایرنا ویلي چې د ایران پخوانی ولسمشر محمود احمدي نژاد په تهران کې په یوه هوايي برید کې وژل شوی دی.
نور ولولۍ: د خامنه ای وژل کېدل؛ ایران «۴۰ ورځې عمومي ماتم او ۷ ورځې رخصت» اعلان کړ
دغه راپورونه په داسې حال کې خپرېږي چې سیمه له سختو سیاسي او امنیتي تحولاتو سره مخ ده او د ایران د لوړو چارواکو پر وړاندې بریدونو د کړکېچ نوی پړاو رامنځته کړی دی. چارواکو تر دې دمه د برید د جزییاتو او احتمالي عاملینو په اړه نور معلومات نه دي ورکړي.
له آرشیف څخه: