پاکستان کے ساتھ مذاکرات میں ’قابل ذکر پیش رفت،‘ آئی ایم ایف

پاکستان کو اپنی معیشت کے حوالے سے کافی عرصے سے شدید مشکلات کا سامنا ہے اور ان مشکلات میں مشرق وسطیٰ کی موجودہ جنگ کی وجہ سے مزید اضافہ ہو چکا ہے۔

اس پس منظر میں پاکستانی حکام اور بین الاقوامی مالیاتی فنڈ کے نمائندوں کے مابین بدھ 11 مارچ کو جو مذاکرات ہوئے، ان کا مقصد اس ادارے کے اسلام آبا دکے لیے بیل آؤٹ پروگرام کے تازہ ترین جائزے میں اب تک ہونے والی ترقی کا جائزہ لینا تھا۔

آئی ایم ایف کی پاکستان کے ساتھ بجلی کے ٹیرف میں ترامیم پر بات چیت

آئی ایم ایف کی طرف سے اس بات چیت کے بعد کہا گیا ہے کہ ان مذاکرات میں 'قابل ذکر‘ پیش رفت تو ہوئی ہے، تاہم دونوں فریق تاحال کسی سٹاف لیول معاہدے تک نہیں پہنچے۔

اس مکالمت میں اس حوالے سے بھی مشاورت کی گئی کہ ایران پر امریکہ اور اسرائیل کے فضائی حملوں کے ساتھ شروع ہونے والی مشرق وسطیٰ کی موجودہ جنگ کے پاکستانی معیشت پر اثرات کتنے شدید ہو سکتے ہیں۔

بدعنوانی نے پاکستان کی ترقی کا گلا گھونٹ دیا ہے، آئی ایم ایف

مشاورت آئندہ دنوں میں جاری رہے گی

ان مذاکرات کے بعد بین الاقوامی مالیاتی فنڈ کی مشن چیف ایوا پیٹرووا کی طرف سے جاری کردہ ایک بیان میں کہا گیا، ''پاکستانی حکام کے ساتھ ہونے والی گفتگو میں قابل ذکر پیش رفت تو ہوئی ہے، تاہم اس سلسلے میں مشاورت آئندہ دنوں میں بھی جاری رہے گی۔‘‘

ایوا پیٹرووا نے مشن کے اختتام پر جاری کردہ اپنے بیان میں کہا، ''آئی ایم ایف کی ٹیم اور پاکستانی حکام آئندہ دنوں میں اپنی بات چیت اس لیے جاری رکھیں گے کہ (بیل آؤٹ پروگرام پر عمل درآمد سے متعلق) جائزوں کو حتمی شکل دی جا سکے۔‘‘

پی آئی اے کی نجکاری کے لیے کامیاب بولی 135 بلین روپے

پاکستان سے ملنے والی رپورٹوں میں ملکی حکومت کی بین الاقوامی مالیاتی ادارے کے ساتھ ہونے والی بات چیت میں جن امور پر خاص طور پر توجہ مرکوز رکھی گئی، ان میں مشرق وسطیٰ کے موجودہ تنازعے کے پاکستان میں توانائی کی قیمتوں پر اثرات، پاکستان کی طرف سے ادائیگیوں کا توازن اور بیرونی مالیاتی ضروریات نمایاں تھے، بالخصوص اس پہلو سے کہ یہ ملک اپنی ضرورت کا زیادہ تر ایندھن درآمد کرتا ہے۔

پاکستان میں سيلابوں سے ہلاکتیں: آئی ايم ايف کا اظہار افسوس

بیل آؤٹ پروگرام اور توسیعی فنڈ کی سہولت

آئی ایم ایف کے بیان میں یہ بھی کہا گیا ہے کہ پاکستان کے لیے مالیاتی پروگرام میں سات بلین ڈالر کی توسیعی فنڈ سہولت یا EFF پرعمل درآمد گزشتہ ماہ کے آخر تک زیادہ تر پاکستان کی طرف سے کیے گئے وعدوں کے مطابق ہی رہا۔

ساتھ ہی آئی ایم ایف کے جاری کردہ بیان میں یہ بھی کہا گیا ہے کہ جن شعبوں پر زیادہ تر توجہ مرکوز رہی، ان میں مالیاتی استحکام، سخت مالیاتی پالیسی اور توانائی کے شعبے میں اصلاحات نمایاں ہیں۔

آئی ایم ایف کی پاکستان کے لیے 1.2 ارب ڈالر قرض کی منظوری

پاکستانی حکومت کی بین الاقوامی مالیاتی فنڈ کے ساتھ اس بات چیت کے دو بڑے مقاصد 37 ماہ کے عرصے پر محیط توسیعی فنڈ سہولت کا تیسرا جائزہ اور 28 ماہ پر محیط Resilience and Sustainability Facility کا دوسرا جائزہ لینا تھے۔

ادارت: جاوید اختر