Koriya ta Arewa ta yi gwajin makamin roka na dogon zango

Shugaban Koriya ta Arewa Kim Jong Un ya jagoranci gwajin wani makamin roka mai cin dogon zango, a kokarin kasar na ci gaba da karfafa makamanta.

Gwajin na zama wani bangare na jadawalin shekaru biyar da Pyongyang ta tsara, don cimma wani fage na karfafa tsaro.

Karin bayani: Ba za mu dena kera nuclear ba - Kim

Haka zalika shugaban ya kai ziyara cibiyar horas da jami'an tsaro na musamman a kasar, wadanda ke samun kwarewa a kan yaki.